சாவகச்சேரி ஆதார வைத்தியசாலையின் வெளிநோயாளர் பிரிவில் சனிக்கிழமை (6) இளைஞர் ஒருவர் வாளால் வெட்டிக்கொலை செய்யப்பட்ட சம்பவத்துடன் தொடர்புடையதாக கூறப்படும் மூவர் ஞாயிற்றுக்கிழமை(6) காலை கைதுசெய்யப்பட்டதாக சாவகச்சேரி பொலிஸார் தெரிவித்தனர்.
இச்சம்பவத்தில் அல்லாரைச் சேர்ந்த என்.அன்பழகன் (26) என்பவர் உயிரிழந்ததுடன், மேலும் 8 பேர் படுகாயமடைந்து சாவகச்சேரி ஆதார, யாழ்.போதனா வைத்தியசாலைகளில் அனுமதிக்கப்பட்டனர்.
மீசாலையில் ஆலய திருவிழாவொன்றில் சனிக்கிழமை (05) மாலை இரு குழுக்களுக்கு இடையில் இடம்பெற்ற கைகலப்பின் எதிரொலியாகவே இந்த வாள்வெட்டுச் சம்பவம் இடம்பெற்றுள்ளது.
இதனையடுத்து விசாரணைகளை மேற்கொண்ட பொலிஸார் மீசாலையினைச் சேர்ந்த 3 பேரை கைதுசெய்து விசாரணைகளை மேற்கொண்டு வருகின்றனர்.
