ரஜினி நடிப்பில் உருவாகி வரும் புதிய படம் ‘லிங்கா’. இப்படத்தை கே.எஸ்.ரவிக்குமார் இயக்கி வருகிறார். இதில் ரஜினிக்கு ஜோடியாக அனுஷ்கா, சோனாக்ஷி சின்ஹா ஆகியோர் நடித்துள்ளனர். காமெடி கதாபாத்திரத்தில் சந்தானம் நடித்துள்ளார். இப்படத்தில் ரஜினி இரட்டை வேடத்தில் நடித்துள்ளார். ஏ.ஆர்.ரகுமான் இசையமைத்துள்ளார்.
விறுவிறுப்பாக நடைபெற்றுக் கொண்டிருந்த இப்படத்தின் படப்பிடிப்பு, சில தினங்களுக்கு முன்பு முடிவடைந்த நிலையில், தற்போது இறுதிக்கட்டப் பணிகளில் படக்குழு தீவிரமாக களமிறங்கியுள்ளது.
இப்படத்தை ரஜினியின் பிறந்த நாளன்று வெளியிட முடிவு செய்திருந்த படக்குழு, தற்போது படத்தை பொங்கலுக்கு ஒத்தி வைத்துள்ளதாக கூறப்படுகிறது. ரஜினியின் பிறந்த நாளான டிசம்பர் 12- தேதி படத்தின் ஆடியோவை வெளியிட உள்ளதாக தெரிகிறது.
பெரும் எதிர்பார்ப்புடன் உருவாகியுள்ள இப்படத்தை ராக்லைன் வெங்கடேஷ் தயாரித்துள்ளார். பொங்கலுக்கு அஜீத்-கௌதம் மேனன் இயக்கத்தில் உருவாகி வரும் புதிய படமும் வெளியாகவிருப்பது குறிப்பிடத்தக்கது.
