ரகுமான் நடிப்பில் கார்த்திக் நரேன் இயக்கத்தில் வெளியாகி வெற்றிகரமாக ஓடிக்கொண்டிருக்கும் துருவங்கள் பதினாறு படத்தை நடிகர்கள், இயக்குநர்கள் என்று பல்வேறு தரப்பினரும் பாராட்டி வருகின்றனர்.
படம் வெளிவருதற்கு முன்பே இசைுப்புயல் ஏர்.ஆர்.ரஹ்மான் தமிழில் இதுபோன்ற ஒரு படத்தை இதுவரை பார்த்ததில்லை என்று கூறியிருந்தார். அதனால் படத்திற்கு எதிர்பார்ப்பு எகிறவே, சமீபத்தில் இயக்குநர் ஷங்கர் படக்குழுவிற்கு வாழ்த்து தெரிவித்திருந்தார். இந்நிலையில் இயக்குநர் கார்த்திக் சுப்புராஜ் தனது டிவிட்டர் பக்கத்தில் படத்தையும், இயக்குநரையும் வெகுவாக பாராட்டியுள்ளார்.
மேலும் நடிகர் சிவகார்த்திகேயனும் துருவங்கள் பதினாறு படத்தை வெகுவாக பாராட்டியுள்ளார். தொழில்நுட்ப ரீதியில் வலுவாகவும், சிறந்த முறையிலும் படம் எடுக்கப்பட்டுள்ளதாக அவர் கூறியுள்ளார்.
