அமெரிக்க விமானப் போக்குவரத்து அமைப்பில் ஏற்பட்ட பாரிய முடக்கத்தால் ஞாயிற்றுக்கிழமயன்று 10,000-க்கும் மேற்பட்ட விமானங்கள் பாதிக்கப்பட்டுள்ள நிலையில், இன்று திங்கட்கிழமைக்குள் (16) சேவைகள் முழுமையாக வழமைக்குத் திரியும் எனப் போக்குவரத்துச் செயலாளர் சீன் டபி நம்பிக்கை தெரிவித்துள்ளார்.

ஞாயிற்றுக்கிழமையன்று அமெரிக்கா முழுவதும் 2,300-க்கும் மேற்பட்ட விமான சேவைகள் இரத்து செய்யப்பட்டதுடன், சுமார் 7,700 விமானங்கள் தாமதமாகின. முன்னதாக சனிக்கிழமையன்று 6,400 விமான சேவைகள் இரத்து செய்யப்பட்டிருந்ததாக விமான தரவுத் தளமான FlightAware தகவல்கள் தெரிவிக்கின்றன.
ஞாயிற்றுக்கிழமையில் ஜெட்ப்ளூ நிறுவனத்தின் 28% விமான சேவைகளும், அமெரிக்கன் எயார்லைன்ஸ் நிறுவனத்தின் 17% விமான சேவைகளும் இரத்து செய்யப்பட்டன; யுனைடெட், சவுத்வெஸ்ட் மற்றும் டெல்டா நிறுவனங்கள் 3% முதல் 5% வரை தமது விமான சேவைகளை இரத்து செய்தன.
ஆர்கன்சாஸ் மாநிலம் எல் டொராடோவில் உள்ள அமெரிக்க மத்திய விமானப் போக்குவரத்து நிர்வாகத்தின் மாற்றப்பட்ட ரௌட்டரே, டெக்சாஸ் மாநிலம் அமாரிலோவில் உள்ள மற்றொரு புதிய ரூட்டருடன் முரண்பட்டு, நாட்டின் ஏனைய கட்டுப்பாட்டு மையங்களின் தரவுப் பரிமாற்றத்தை முற்றிலுமாகப் பாதித்துள்ளது விசாரணையில் தெரியவந்துள்ளது.
இதனை அடுத்து, ஒத்த தன்மை கொண்ட சுமார் 60 ரூட்டர்களின் செயற்பாடுகளை அமெரிக்க மத்திய விமானப் போக்குவரத்து நிர்வாகம் உடனடியாக முடக்கியுள்ளது. இது சதிச் செயல் அல்லவென்றும், நிறுவியவர் ஒரு நல்ல படைவீரர் எனவும் டபி குறிப்பிட்டுள்ளார். எனினும், இதற்கான மூல காரணம் இன்னமும் முழுமையாகக் கண்டறியப்படவில்லை.
விமானப் போக்குவரத்துக் கட்டுப்பாட்டு அமைப்புகளை நவீனமயப்படுத்த 50 பில்லியன் அமெரிக்க டொலர் நிதி வழங்குமாறு சீன் டபி கோரியுள்ளார். அமெரிக்க ஜனாதிபதி டொனால்ட் ட்ரம்பும் இதற்கு ஆதரவு தெரிவித்துள்ளார். எனினும், கடந்த ஆண்டு ஒதுக்கப்பட்ட 12.5 பில்லியன் அமெரிக்க டொலரில் பெரும்பாலான தொகையானது இன்னும் செலவிடப்படவில்லை என எதிர்க்கட்சி ஜனநாயகக் குறும்படப் பிரதிநிதிகள் கேள்வி எழுப்பியுள்ளனர்.