நல்லூர் கந்தசுவாமி ஆலயத்தின் மஹோற்சவக் காலத்தை முன்னிட்டு, யாழ்ப்பாண சர்வதேச புத்தகத் திருவிழா 2026 எதிர்வரும் செப்டம்பர் 5-ஆம் திகதி முதல் 9-ஆம் திகதி வரை யாழ்ப்பாணம் சங்கிலியன் பூங்காவில் மிக விமர்சையாக நடைபெறவுள்ளது.
தொடர்ச்சியாக மூன்றாவது ஆண்டாக நல்லூர் கோவிலுக்கு அருகில் உள்ள சங்கிலியன் பூங்காவில் ஒழுங்குசெய்யப்பட்டுள்ள இப்புத்தகத் திருவிழாவில், 30-க்கும் மேற்பட்ட காட்சிக்கூடங்களில் முன்னணி புத்தக விற்பனை நிறுவனங்களும் பல்வேறு அமைப்புகளும் பங்கேற்கின்றன.
விழாவின் முக்கிய சிறப்பம்சங்கள்:
-
கலை & கலாச்சார நிகழ்வுகள்: சிறுவர் நாடகங்கள், சிறப்புப் புத்தக அரங்குகள், சிறுவர்களுக்கான காலைநேரப் போட்டிகள் மற்றும் நிகழ்வுகள்.
-
கலந்துரையாடல்கள் & திரையிடல்கள்: சிந்தனையைத் தூண்டும் கலந்துரையாடல்கள் மற்றும் திரைப்படக் காட்சிகள்.
-
சிறப்புப் பிரிவுகள்: சதுரங்கம் (Chess), ஓவியம், இசை, ஒளிப்படம் (Photography) மற்றும் தபால் முத்திரை சேகரிப்பு போன்ற வழமைக்கு மாறான சுவாரசியமான அம்சங்களும் இம்முறை இணைக்கப்பட்டுள்ளன.
இவ்வாறான அறிவு சார்ந்த நிகழ்வுகள் சமூக மாற்றத்திற்கான முக்கிய படியாகவும், இளையோரின் எதிர்காலத்திற்குச் சரியான வழிகாட்டியாகவும் அமையும் என்பதால், பொதுமக்கள் அனைவரும் பெருந்திரளாகக் கலந்து கொண்டு ஆதரவளிக்குமாறு ஏற்பாட்டாளர்கள் கேட்டுக்கொண்டுள்ளனர். குறிப்பாக, இளையோரை அதிகளவில் இதில் பங்கெடுக்கச் செய்து நிகழ்வை வெற்றிபெறச் செய்யுமாறு அன்புடன் அழைக்கப்படுகிறீர்கள்.
