வவுனியா முதல்வர், சாவகச்சேரி உப தவிசாளர் பதவி நீக்கம்

ஜூன் 19-ஆம் திகதி வெளியிடப்பட்ட விசேட வர்த்தமானி அறிவித்தலின்படி, வவுனியா நகரபிதா சுந்தரலிங்கம் கௌதீபன் மற்றும் சாவகச்சேரி நகரசபை உபதலைவர் ஞானப்பிரகாசம் கிஷோர் ஆகியோர் தங்கள் பதவிகளில் இருந்து நீக்கப்படுவதாக அறிவிக்கப்பட்டு, அது ஜூன் 24 முதல் நடைமுறைக்கு வந்தது : இவர்கள் வகித்த தலைவர்/உபதலைவர் பதவிகள் மட்டுமன்றி, அவர்கள் பெற்றிருந்த சபையின் உறுப்பினர் பதவிகளும் முழுமையாகப் பறிக்கப்பட்டன.

வடக்கு மாகாண ஆளுநர் ந. வேதநாயகன் வெளியிட்ட இரண்டு தனித்தனி அதிவிசேட வர்த்தமானிகள் மூலம் இந்த பதவி பறிப்புகள் ஜூன் 24, 2026 முதல் உடனடியாக அமுலுக்கு கொண்டுவரப்பட்டன

வவுனியா மாநகர சபை முதல்வர் சுந்தரலிங்கம் காண்டீபனுக்கு எதிராக, 1947 ஆம் ஆண்டின் 29 ஆம் இலக்க மாநகர சபைகள் ஒழுங்குவிதியின் 277 ஆம் பிரிவின் கீழ் ஆளுநருக்கு வழங்கப்பட்ட அதிகாரங்கள் பயன்படுத்தப்பட்டன. சாவகச்சேரி நகர சபை உப தவிசாளர் ஞானப்பிரகாசம் கிஷோருக்கு எதிராக, 1939 ஆம் ஆண்டின் 61 ஆம் இலக்க நகர சபைகள் கட்டளைச் சட்டத்தின் விதிகளின்படி நடவடிக்கை எடுக்கப்பட்டது.வவுனியா மாநகர சபை விவகாரங்களை ஆராய ஓய்வுபெற்ற மாவட்ட நீதிபதி கந்தையா அரியநாயகம் விசாரணை ஆணையாளராக நியமிக்கப்பட்டு, அவர் சமர்ப்பித்த அறிக்கையின் அடிப்படையிலேயே ஆளுநர் இந்த இறுதி முடிவை எடுத்தார்.

மக்கள் வாக்குகளால் தேர்ந்தெடுக்கப்பட்ட பிரதிநிதிகளை, மாகாண சபை தேர்தல்கள் காலவரையறையின்றி பிற்போடப்பட்டுள்ள சூழலில், ஆளுநரின் அதிகாரத்தைப் பயன்படுத்தி நீக்குவது ஜனநாயக விரோத செயல் என விமர்சிக்கப்படுகிறது. ஸ்ரீலங்கா பொதுஜன பெரமுனவின் (SLPP) நாடாளுமன்ற உறுப்பினர் நாமல் ராஜபக்ஷ உள்ளிட்ட அரசியல் தலைவர்கள், இந்த நடவடிக்கையை ” blatant abuse of power” (வெளிப்படையான அதிகார துஷ்பிரயோகம்) என சாடியுள்ளனர்.உள்ளூராட்சி மன்ற ஆணையாளரின் சுற்றறிக்கை ஒன்றை விமர்சித்ததற்காக, மக்கள் பிரதிநிதி ஒருவரின் சபை உறுப்புரிமையையே முழுமையாகப் பறிப்பது, அரசாங்கத்திற்கு எதிரான மாற்றுக்கருத்துக்களை மற்றும் விமர்சனங்களை முடக்கும் பழிவாங்கல் நடவடிக்கை என எதிர்த்தரப்புகள் குற்றம் சுமத்துகின்றன