வைத்திய சிகிச்சைக்காக யாழ்.போதனா வைத்தியசாலையில் அனுமதிக்கப்பட்டுள்ள வடமாகாண முதலமைச்சர் சி.வி.விக்கினேஸ்வரனை ஈழ மக்கள் ஜனநாயக கட்சியின் செயலாளர் நாயகமும் நாடாளுமன்ற உறுப்பினருமான டக்ளஸ் தேவானந்தா நேரில் சென்று பார்வையிட்டுள்ளார்.
கடந்த நான்கு தினங்களுக்கு முன்னதாக சிறு சத்திரசிகிச்சையொன்றுக்காக வடமாகாண முதலமைச்சர் சி.வி.விக்கினேஸ்வரன் வைத்தியசாலையில் அனுமதிக்கப்பட்டிருந்தார்.
தொடர்ந்தும் சிகிச்சைகள் இடம்பெற்றுவரும் நிலையில் புதன்கிழமை யாழ்.போதனா வைத்தியசாலைக்கு சென்றிருந்த டக்ளஸ் எம்.பி. முதலமைச்சர் சி.வி.விக்கினேஸ்வரன் அனுமதிக்கப்பட்டிருந்த பிரிவுக்குச் சென்று அவருடைய உடல் நலம் குறித்து விசாரித்துள்ளார்.
டக்களஸ் தேவானந்தா முதலமைச்சரை நோக்கி சென்ற போது முதலமைச்சர் புன்னகையுடன் பெரியவர்கள் எல்லாம் வருகின்றார்கள் என்று கூறியுள்ளார். எனினும் இதன்போது எந்தவிதமான அரசியல் விடயங்களும் பேசப்படவில்லையென்றும், உடல் நலம் உள்ளிட்ட குசல விசாரிப்புகளே இடம்பெற்றுள்ளதாகவும் அறியமுடிகின்றது.
