இன்று முதல் மேல் மாகாணத்தை விட்டு வெளியேறும் நபர்களுக்கு விரைவான அன்டிஜன் பரிசோதனை அல்லது சீரற்ற அன்டிபாடி பரிசோதனை நடத்தப்படும் என்று இராணுவ தளபதி லெப்டினன்ட் ஜெனரல் சவேந்திர சில்வா தெரிவித்துள்ளார்.
இந்த நோக்கத்திற்காக நடமாடும் வாகனங்களைப் பயன்படுத்த எதிர்பார்ப்பதாக அவர் கூறினார்.
“மேல் மாகாணத்திலிருந்து புறப்படும் நபர்களை பேருந்துகள் மற்றும் பிற போக்குவரத்து வழிகள் மூலம் எழுமாறாகத் தேர்ந்தெடுப்பதன் மூலம் இந்த பரிசோதனைகள் மேற்கொள்ளப்படும்.
நபர் ஒருவர் அல்லது வாகனத்தில் இருப்பவர்கள் கோவிட் -19 பாதிக்கப்பட்டுள்ளதை உறுதிசெய்த அன்டிஜன் பரிசோதனைக்கு உள்படுத்தப்படுவார்கள்” என்றும் இராணுவத் தளபதி மேலும் தெரிவித்தார்.
“கண்டி-கொழும்பு வீதியில் நிட்டாம்புவ, சலாவ அவிசாவெல்லா-கொழும்பு வீதியில் கோஸ்கம, மற்றும் கொழும்பு-சிலாபம் வீதியில் கட்டுநாயக்க ஆகிய மூன்று இடங்களில் இந்தப் பரிசோதனை முன்னெடுக்கப்படவுள்ளது.
பண்டிகை காலங்களில் மேல் மாகாணத்திற்கு வெளியே கோரோனா வைரஸ் பரவுவதைக் குறைக்க முடிவு எடுக்கப்பட்டுள்ளது” என்று மேல் மாகாண சுகாதார சேவைகள் மாகாண பணிப்பாளர் விடுத்துள்ள அறிக்கையில் தெரிவிக்கப்பட்டுள்ளது.
