கடந்த 2022 ஆம் ஆண்டு நாடு எதிர்கொண்ட மிகக் கடுமையான பொருளாதார நெருக்கடியிலிருந்து மீண்டு வந்துள்ள இலங்கை, தற்போது உலக வங்கியின் புதிய வகைப்படுத்தலில் ‘மேல்-நடுத்தர வருமான’ (Upper-middle Income) நாடாகத் தரமுயர்த்தப்பட்டுள்ளது.
ஒவ்வொரு ஆண்டும் ஜூலை 01 ஆம் திகதி வெளியிடப்படும் உலக வங்கியின் வருமானக் குழு வகைப்படுத்தலின் 2026 ஆம் ஆண்டிற்கான புதிய அறிக்கையிலேயே இந்தத் தகவல் வெளியிடப்பட்டுள்ளது.
இந்த முன்னேற்றம் குறித்த முக்கிய விபரங்கள் வருமாறு:
- பொருளாதார வளர்ச்சி: 2022 இல் வீழ்ச்சியடைந்த பொருளாதாரமானது, 2025 ஆம் ஆண்டில் 5% மொத்த உள்நாட்டு உற்பத்தி (GDP) வளர்ச்சியைக் கண்டுள்ளது.
- முக்கிய துறைகள்: நாட்டின் இந்த மீட்சிக்குத் தொழில்துறைகளின் மீள்வருகை மற்றும் நிதி மற்றும் சுற்றுலாச் சேவைகளின் (financial and tourism services) அபார வளர்ச்சி என்பன பிரதான காரணங்களாக அமைந்துள்ளன.
- புதிய வருமான எல்லை: உலக வங்கியின் புதிய வகைப்படுத்தலின் படி, தலா மொத்த தேசிய வருமானம் (GNI per capita) 4,636 அமெரிக்க டொலர் முதல் 14,375 டொலர் வரை கொண்டுள்ள நாடுகள் ‘மேல்-நடுத்தர வருமான’ நாடுகளாகக் கருதப்படுகின்றன. இலங்கை இம்முறை இந்த எல்லையை மிகக் குறுகிய அளவில் (narrowly) கடந்து சாதனை படைத்துள்ளது.
- ஏனைய நாடுகள்: இலங்கையுடன் இணைந்து ஜோர்தான், மைக்ரோனேசியா, பிலிப்பைன்ஸ், வியட்நாம் ஆகிய நாடுகளும் இம்முறை மேல்-நடுத்தர வருமான நிலைக்கு முன்னேறியுள்ளன.
இந்தத் தரவரிசை மாற்றமானது சர்வதேச ரீதியில் இலங்கையின் பொருளாதார நிலைபேறான தன்மையை உறுதிப்படுத்துவதுடன், எதிர்கால அபிவிருத்தி உதவிகள் மற்றும் கடன் வசதிகளைப் பெறுவதற்கான ஒரு முக்கிய குறிகாட்டியாகவும் அமையும்.
உலக வங்கியின் இந்த புதிய வகைப்படுத்தலானது 2027 ஜூன் இறுதி வரை உலகளாவிய ரீதியில் பொருந்தும் என்பது குறிப்பிடத்தக்கது.
