நாடுமுழுவதும் ஊரடங்கு விதிப்பது குறித்து முடிவு செய்யப்பட்டால், அனைத்து நாடாளுமன்ற உறுப்பினர்களின் சம்பளத்தில் 75 சதவீதமும், சுகாதாரத் துறை தவிர்ந்த அரச மற்றும் தனியார் துறை ஊழியர்களின் சம்பளத்தில் 50 சதவீதமும் மற்றும் சிற்றூழியர்களின் சம்பளத்தில் 30 சதவீதமும் நன்கொடையாக வழங்கவேண்டும் என்று அமைச்சர் பிரசன்ன ரணதுங்கா ஜனாதிபதிக்கு முன்மொழிந்துள்ளார்.
ஜனாதிபதி கோத்தாபய ராஜபக்சவுக்கு எழுதிய கடிதத்தில் அமைச்சர் இந்த யோசனையை முன்வைத்தார்.
நாட்டில் முடக்கம் விதிக்கப்பட்டால், ஒருவரின் மனசாட்சிக்கு உண்மையாக இருந்தால் மக்களின் வரிப்பணத்துடன் சம்பளம் பெறுவது கடினமான பணியாகும் என்று அமைச்சர் ரணதுங்கா சுட்டிக்காட்டியுள்ளார்.
“முடக்கத்தை முன்மொழிந்த தனிநபர்கள், மக்கள் எதிர்கொள்ளும் பொருளாதார சிக்கல்களுக்கு தீர்வுகளை வழங்கத் தவறிவிட்டனர். ஜனாதிபதி நாட்டை மூடுவதற்கான முடிவை அறிவித்தால், மாதாந்திர சம்பளத்தை எடுக்காத மக்களை பாதுகாக்க ஒரு திட்டம் தேவை.
மகா சங்கத்தினர் உள்பட மதத் தலைவர்கள் சிலர் முடக்கத்தைக் கோரி ஒரு பரப்புரையில் ஈடுபட்டுள்ளனர்.
எனவே முடக்கம் தொடர்பான கோரிக்கைகள் குறித்து ஜனாதிபதி மிகவும் தர்க்கரீதியான மற்றும் அறிவியல்பூர்வமான முடிவை எடுப்பார் என நம்புகின்றேன்” என்றும் அமைச்சர் பிரசன்ன ரணதுங்கா தனது கடிதத்தில் தெரிவித்துள்ளார்.
