இளையோருக்கான வேலைவாய்ப்புப் பிரச்சனைகளை இல்லாது ஒழிக்கும் முகமாக நாம் தேர்தலில் வெற்றி பெற்றதும், உடனடியாக வேலை வங்கி (job bank) ஒன்றினை உருவாக்குவேன் என தமிழ் தேசிய மக்கள் முன்னணியின் தேசிய அமைப்பாளரும் யாழ்ப்பாணம் தேர்தல் மாவட்ட வேட்பாளருமான சட்டத்தரணி வி.மணிவண்ணன் தெரிவித்துள்ளார்.
அச்சுவேலி பகுதியில் உள்ள தொழிற்பேட்டைக்கு நேரில் சென்று அங்குள்ள நிலமைகள் தொடர்பில் ஆராய்ந்த பின்னர் , ஊடகங்களுக்கு கருத்து தெரிவிக்கும் போதே அவர் இவ்வாறு தெரிவித்தார்.
அவர் மேலும் தெரிவித்ததாவது;
வேலைவாய்ப்பு தொடர்பில் எமது இளையோர் மத்தியில் பெருத்த அங்கலாய்ப்பு உள்ள இன்றைய காலகட்டத்தில் எமது கட்சியானது தனியார் துறையை விருத்தி செய்து தொழிற்சாலைகளை நிறுவி வேலைவாய்ப்புகளை பெற்றுகொடுக்க வேண்டும் என்று வலியுறுத்தி வருகின்றது.
எமது அமைப்பின் கனவு நிறைவேற்றப்படுவது மிக இலகுவானது என்பதை புரிந்துகொண்டேன். நாம் வென்றதும் வேலை வங்கி (job bank) ஒன்று உடனடியாக உருவாக்கப்படும் – என்றார்.
