Ad Widget

ஆர்ப்பாட்டம் செய்தவர்களை அச்சுறுத்தும் வகையில் வீடியோ எடுத்த இராணுவம்

ஆனைக்கோட்டை, கூழாவடியில் இராணுவ முகாம் அமைந்துள்ள பொதுமக்களின் காணியை இராணுவ முகாமின் நிரந்தர தேவைக்காக சுவீகரிப்பதற்காக இன்று திங்கட்கிழமை (11) மேற்கொள்ளப்படவிருந்த நிலஅளவை பணியை தடுத்து நிறுத்த ஆர்ப்பாட்டம் செய்த மக்களை, இராணுவ சிப்பாய் ஒருவர் அச்சுறுத்தும் வகையில் வீடியோ எடுத்தார்.

அலைபேசி ஒன்றில் உரையாடிக்கொண்டு, பிறிதொரு அலைபேசியை மதிலில் வைத்து, ஆர்ப்பாட்டம் செய்த அனைவரையும் அவர் வீடியோ எடுத்தார். சிறிது நேரத்தில் அலைபேசியை மதிலில் நிறுத்தி வைத்து, வீடியோ எடுக்கவிட்டுச் சென்றார்.

மேற்படி பகுதியில் 5 பேருக்குச் சொந்தமான 16 பரப்பு காணியே இவ்வாறு நிலஅளவை செய்ய முயற்சிக்கப்பட்டதுடன், மக்களின் எதிர்ப்பு ஆர்ப்பாட்டத்தால் அது கைவிடப்பட்டமை குறிப்பிடத்தக்கது.

Related Posts