துப்பாக்கிச் சூட்டில் கொல்லப்பட்ட ஒருவரின் பிள்ளையை கொல்வதற்குத் தயாராக இருந்த துப்பாக்கிதாரி ஒருவரும் மோட்டார் சைக்கிள் ஓட்டுநர் ஒருவரும் பொலிஸ் விசேட அதிரடிப் படையினரால் கைது செய்யப்பட்டுள்ளனர்.
இவ்வாறு கைது செய்யப்பட்டவர்கள், தற்போது வெளிநாட்டில் இருக்கும் ‘பழனி கெனிஸ்டர்’ என்ற ஒருங்கிணைக்கப்பட்ட குற்றவாளி மற்றும் போதைப்பொருள் கடத்தல்காரரின் தரப்பைச் சேர்ந்த பிரதான துப்பாக்கிதாரி மற்றும் மோட்டார் சைக்கிள் ஓட்டுநர் எனத் தகவல்கள் தெரியவந்துள்ளன.
விசேட அதிரடிப் படையின் புலனாய்வுப் பிரிவுக்குக் கிடைத்த புலனாய்வுத் தகவலுக்கு அமைவாக மேற்கொள்ளப்பட்ட இந்தச் சோதனையின் போது, சந்தேகநபர்களிடமிருந்து “ஷொட்கட்டஸ்” (Shotgun) வகை துப்பாக்கி ஒன்று, 12 போரா கொள்ளளவு கொண்ட தோட்டாக்கள் 5, 22 கிராம் 340 மில்லிகிராம் ஐஸ் போதைப்பொருள், ஒரு கைப்பேசி மற்றும் ஒரு பயணப் பையும் கைப்பற்றப்பட்டுள்ளன.
மேலதிக விசாரணைகளின் போது சந்தேகநபர்கள் தெரிவிக்கையில், ‘பழனி கேனிஸ்டர்’ தரப்பினரால் 2025 ஆம் ஆண்டு நவம்பர் மாதம் ‘அசேல’ என்பவரைக் சுட்டுக் கொன்றதாகக் கூறியுள்ளனர்.
‘பழனி கெனிஸ்டர்’ குழுவில் இணையுமாறு விடுக்கப்பட்ட கோரிக்கையை நிராகரித்ததன் காரணமாகவே அவர் சுட்டுக் கொல்லப்பட்டதாகக் கண்டறியப்பட்டுள்ளது.
அந்தக் காரணத்தின் அடிப்படையில், கொல்லப்பட்ட அசேலவின் இரண்டு பிள்ளைகளில் ஒருவரைச் சுடுவதற்கு இந்தத் துப்பாக்கிதாரியையும் மோட்டார் சைக்கிள் ஓட்டுநரையும் பயன்படுத்த நடவடிக்கை எடுக்கப்பட்டுள்ளதாக விசாரணைகளின் போது தகவல்கள் வெளியாகியுள்ளன.
கைது செய்யப்பட்ட சந்தேகநபர்கள் கொட்டாஞ்சேனைப் பகுதியைச் சேர்ந்த 23 வயதுடையவர்கள் என்பதுடன், அவர்களும் கைப்பற்றப்பட்ட பொருட்களும் மேலதிக விசாரணைகளுக்காகக் கொட்டாஞ்சேனைப் பொலிஸ் நிலையத்தில் ஒப்படைக்கப்பட்டுள்ளனர்.
