இலங்கையின் 67 ஆவது சுதந்திர தினத்தை முன்னிட்டு யாழ் மாவட்டத்திற்கான தேசிய நிகழ்வு நேற்று (04) யாழ் மாவட்ட செயலகத்தில் நடைபெற்றது.
இதன்போது தேசியக்கொடியை மாவட்ட உதவி அரசாங்க அதிபர் ரூபினி வரதலிங்கம் ஏற்றிவைக்க தேசிய கீதம் இசைக்கப்பட்டு சுதந்திரதினம் உணர்வுபூர்வமாக அனுஸ்டிக்கப்பட்டது.
இதேவேளை 67 ஆவது சுதந்திர தினத்தையொட்டி யாழ் மாவட்ட சிறைச்சாலையிலிருந்து 3 சிறைக்கைதிகள் விடுவிக்கப்பட்டுள்ளனர்.
சிறுகுற்றம் புரிந்தவர்கள் மற்றும் தண்டப்பணம் செலுத்தமுடியாமல் சிறையில் உள்ளவர்களில் 3 கைதிகள் நேற்று யாழ் சிறையிலிருந்து சிறைச்சாலை அத்தியட்சகர் எஸ்.பி பெரேரா தலைமையில் பொதுமன்னிப்பின் அடிப்படையில் விடுவிக்கப்பட்டனர்.
