முரளி நல்லிணக்க வெற்றிக் கிண்ணக் கிரிக்கெட் ருவென்ரி-20 போட்டிகள் வரும் 29 ஆம் திகதி புதன்கிழமை ஆரம்பமாகின்றன என அறிவிக்கப்பட்டுள்ளது.
வியாழக்கிழமை இடம்பெற்ற ஊடகவியலாளர் சந்திப்பின்போதே போட்டி ஏற்பாட்டளரான முத்தையா முரளிதரன் தெரிவித்தார்.
இந்த ஊடக சந்திப்பில் இணை அனுசரணையாளர்களான இலங்கை அணி வீரர்களான குமார் சங்ககார, மஹேல ஜெயவர்த்தன ஆகியோரும் கலந்து கொண்டனர்.
5 நாள்கள் இடம்பெறும் இந்த சுற்றுப் போட்டி யாழ்ப்பாணம், ஒட்டுசுட்டான், மாங்குளம், கிளிநொச்சியில் இடம்பெறவுள்ளது. இதில் 19 வயதுக்கு உட்பட்ட பாடசாலை ஆண்கள் அணிகளும், 23 வயதுக்கு உட்பட்ட பெண்கள் அணிகளுமாக 24 அணிகள் பங்கேற்கின்றன.
