யாழ். மாவட்டத்தில் இருந்து இராணுவத்தில் இணைந்து கொண்ட ஆண்கள், பெண்கள் உள்ளடங்கிய படையணி, பயிற்சிகளை முடித்து வெளியேறியுள்ளது.
வலி. வடக்கு காங்கேசன்துறையில் அமைந்துள்ள படைத்தளத்தில் இந்த படையணியின் பயிற்சி நிறைவு நிகழ்வுகள் இடம்பெற்றன.
100 பெண்களும், 400 ஆண்களுமாக 500 பேரைக்கொண்டமைந்த இந்த படையணி, பயிற்சிகளை முடித்து வெளியேறியுள்ளது.
பயிற்சிகளை முடித்தவர்கள் இராணுவத்தின் பெண்கள் படையணி, பொறியியல் படை அணி மற்றும் பொது படையணியில் இணைக்கப்பட்டுள்ளனர்.
வெளியேறிய படையணியின் அணிவகுப்பு மரியாதையை கொழும்பு படை தலையைகத்தின் படை அதிகாரி மேஜர் ஜெனரல் அமங்கபொல, யாழ். மாவட்ட படைகளின் கட்டளை அதிகாரி மேஜர் ஜெனரல் உதய பெரேரா ஆகியோர் ஏற்றுக்கொண்டனர்.
