Ad Widget

ஜனாதிபதியால் வழங்கப்பட்டுள்ள புதிய நியமனங்கள்!

இன்று முற்பகல் ஜனாதிபதி செயலகத்தில் வைத்து, ஜனாதிபதியால் புதிய கணக்காய்வாளர் நாயகம், சட்டமா அதிபர், பதில் சட்டமா அதிபர் ஆகியோருக்கான நியமனங்கள் வழங்கப்பட்டன.

புதிய கணக்காய்வாளர் நாயகமாக சுலந்த விக்ரமரத்ன ஜனாதிபதி மைத்திரிபால சிறிசேனவால் நியமிக்கப்பட்டுள்ளார்.

இன்று காலை மைத்திரிபால சிறிசேன முன்னிலையில் ஜனாதிபதி செயலகத்தில் பதவிப் பிரமாணம் செய்துக்கொண்டார்.

இதேவேளை, சட்டமா அதிபர் ஜயந்த ஜயசூரிய புதிய பிரதம நீதியரசராக ஜனாதிபதி மைத்திரிபால சிறிசேனவால் நியமிக்கப்பட்டுள்ளார்.

இதற்கமைய ஜனாதிபதி முன்னிலையில் பிரதம நீதியரசர் பதவிப் பிரமாணம் செய்துக்கொண்டார்.

மேலும் சொலிசிட்டர் ஜெனரல், ஜனாதிபதி சட்டத்தரணி தப்பல டி லிவேரா பதில் சட்டமா அதிபராகவும், முன்னாள் பொலிஸ்மா அதிபர் என். கே. இலங்கக்​கோன் பாதுகாப்பு அமைச்சின் ​ஆலோசகராகவும் ஜனாதிபதியிடமிருந்து நியமனக் கடிதங்களைப் பெற்றுக்கொண்டனர்.

Related Posts